فكتوريا سيكرت ايفينت + ريفيو لبعض منتجاتهم ~

السلام عليكم

قبل فترة طويله شويه كان في ايفينت للبلوقر في فيكتوريا سيكرت

ايفينت بسيط و جميل 

الجميلة فرح اخذت فينا تور عالمحل وعرفتنا عالكولكشنات الي نازلة جديدة و القديمة 

وعن مشاريع فيكتوريا سيكرت في الفتره القادمة 

و ضيفونا بماكرون وقهوة 

هذا المختصر .

اكثر شي حبيتو عطر نايتت 

جججميل بنات لازم تروحو تجربوهه 

وكمان اللوشن برونزر رووعههههه قليله فيه يديك قلوو ولون بسيط ولمعه تجنن 

عندهم كمان نظارات شمسيه جممممميله ماتوقعتها بالجودة ذي 

وشنط السفر اكيد حرجع اخذ منها من جمالها 

بديكم ريفيو سريع عن الفرش و الميكب bags و عطرين من عندهم ❤️

الفررش عاديه و خشنه 

للوجه مره لأ احسها تجرح من كثر مهي خشنه 

استعملها لنفض البودرة الزايده من تحت العين والشادو المتناثر احيانا 

فرشه العين كويسه و تؤدي الغرض

احب استعملها لكونتور الانف و الطرف الثاني للشفايف  👌

شنط الماكياج و الفرش روعه طبعا 

تصميم شنط الفرش بحيث انو نايلون تحتها وفوقها يحفظ الفرش و الشنطة كمان من انو ما تتوسخ ببقايا الميكب عليها 

العطر الاول انجل angel gold الذهبي الخفيف كأنوا سبري 

مررررره احبوووو 

يدي انتعاش و ويحتو هاديه 

اشتريت ٢ كان عليهم عرض ب ١٠٠ بس و سعرو الاصلي ٧٥ ريال ،، 

ايوا ضايع الغطا :)

العطر الثاني قلامور glamour

ريحتو رايقه و هاديه 

ثباتو متوسط الى خفيف 

حلو للبيت لان علبتو كبيره و قروشه الصراحة ينشال فالشنطة 

حبيتو مره 

وحبيت طريقه الغطا بحيث انو ما يبخ غير لما ينلف و يطلع على فوق ~

واخيرا خبر جميل لكم : فكتوريا سيكرت حيفتح محل كامل يبيع كل شي متوفر في الفترات القادمة ان شالله بس لسى ماحددو فين و متى ~

اشوفكم في بوست الله واعلم حيكون متى ^_^

خلصتها !! .. Empties

السلام عليكم 

تدوينة اليوم عن منتجات خلصتها و هل رح ارجع اشتريها او لا .. 

اول منتج هو كريم غارنييه اساسيات

مرطب يومي و مخصص للبشرة الجافة والحساسة ،، 

الي يعجبني فيه انه خفيف جدا كاني حاطة مويه بوجهي 

احساسه حلو عالبشره بس ترطيبه عادي يعني مو اختراع 

احبه قبل الميكب الصبح 

دايما ارجع اشتري منه كل ما خلص 

ثاني منتج زبدة بودي شوب بالمكاديميا 

من اروع الاشياء في الترطيب 

تجي نصين نص ثقيل للمناطق الجافة مثل الاكواع و الركب و الرجلين و نص اخف لباقي الجسم 

تتشربها الجسم بسرعه و ما تدبق 

ريحتها عادية مو حلوة و لا شينة 

حرجع اشتريها لو عليها دسكاونت 

لو مافي افضل اجرب اشياء غيرها 

كريم لايبوبيز 

كتبت عنه تدوينة اظنها اول شي كتبته بالمدونة 

طلو عليها هنا 

http://makeupbyshahad.blogspot.com/2013/06/p.html?m=1

اكيد حشتريه كل ما خلص 

كريم من جونسون 

ترطيبه حلوو و احساسه حلو 

احب لكل شي وجهي و جسمي و يديني 

كل ما امر من الغرفه احط منه 

ودايم ارجع اشتريه 

مزيل المكياج من غارنييه 

هو عبارة عن حليب منظف و مزيل 

جدا لطيف عالوجه و ما يحرق 

يشيل المكياج كويس 

بس الماسكرا ما اعرف لاني دايم اغسلها قبل ازيل مكياجي 

مناسب للبشرة الجافة و الحساسة

كل ما يخلص اشتري منه 

اسكينول 

هذا حبيبي ما استغنى عنه 

زي التونر ينظف من قلب و يفتح مع الاستمرار 

مفيد جدا لسواد الرقبة 

ودايم موجود عندي 

بلسم بخاخ من بوتس 

عبارة عن بلسم تتركينه عالشعر 

تبخينه وشعرك مبلول او جاف ما يفرق 

الصراحة ترطيبه عادي ما كاني سويت شي 

بس تعجبني ريحته على جوز هند

و لو بخيتيه على سشوار يعدملك هو 

احبه للصبح لو شعري نفش 

يهجده 

الشامبو الجاف من بوتس 

هذا الشي تبخينه عالجذور المدهنه و يرجعها جديده و يشيل الدهن 

و لو جذورك نظيفه يديك فوليوم و حجم لشعرك 

شعري جدا دهني فما استغني عنه ابدا 

دايما و ابدا اشتري منه

و احلى نوع الي لونه بني 

مزيل التعرق من كوريكشن

جميل و يثبت لوقت طويل 

ما يسمر ~ كتبت عنه بالانستقرام

دايم اشتريه 

محلول عدسات من سولو كير 

حلو و كويس بس عيبه صغير يخلص بسرعه 

دايم ارجع اشتري منه 

بس الحين كثروا عدساتي لازم شي اكبر 

بودرة الحواجب من بودي شوب 

ما استغني عنها اذا مو للحواجب استعملها كشادو او كونتور 

مره احبها 

و لو تبينها ثقيلة مره 

حطي نقطة موية او فكس بلس لو تبي ثبات كمان 

ماسكرا من ريميل 

كتبت عنها بالانستقرام 

جميلة و اشتريت منها ثاني بس ما اتوقع اشتريها لاني احب اجرب 

ماسكرا من ميبيلين 

هاذي كل ما اطفش من مسكراتي استعملها 

حلوة و خفيفة و تكثف 

مره احبها 

ودايم ارجعلها 

و دمتم بخير جميلاتي 

Korean lenses .. العدسات الكورية

السلام عليكم

مساء او صباح الورد ~

بوست اليوم عن موضوع كثير انطلب مني 

وهو العدسات الكورية 

تجربتي مع العدسات كانت من خلال باربي ستور متجر كويتي يوصل للعالم كله و مختص بالعدسات الكورية ~

وتقدرون تطلبون منها عن طريق الواتس او البيبي و ترد عليكم و توفر طبي بعد ^_^

ارسلولي ٥ عدسات جميلة 

و بعد فتره رجعو رسلولي ١٠ عدسات 

فاعتقد اني جربتها كويس لدرجه تخليني احكيلكم عنها ~

اول شي انا مالي فالكوري و الكوريين ابدا 

و ماقد فكرت اشتري عدسات كوريه 

اول ما جربتها استغربت من شكلي مره 

بحكم انها تكبر البؤبؤ 

و تديك نظرة بريئة 

حبيت الوانها انو واضحححه بالعين يعني مستحيل ماتبان على عيونك :D

والصراحه ماتوقعتها مريحه 

واول مره لبستها دمعت لاني ماكنت متقبلتها 

بس لما شفت شكلها عالعين عجبتني 

والمره الثانية الي لبستها فيها كانت مريحه و لا دمعت او حرقتني عيني 

تقريبا زي بيلا من ناحيه راحه العيون

 

هنا تلاقو مكتوب قطر العدسة و صناعتها و تاريخ الانتهاء قبل الفتح و طبعا بعد ماتفتحيها ممكن تخليها ل ٦ شهور او سنة ..

اهم شي بالعدسات الكورية ماتلبسيها مقلوبه لان لها جهه تنلبس عليها وماتنلبس على غير هالجهه 

لاحظت انها تمتص المحلول يعني كل فتره اشيك عليها و الاقي المحلول الي عالعدسه شبه مخلص فأزودها محلول و انظفها  

و في نوع قطر العدسه صغير 

وهي نفس موديل سولوتيكا مسوينها 

هاذا النووع اتعب وانا اقوووول روعه عالعين 

يجنن 

كان عينك لونها طبيعي

و واضحه الوانها 

وانا وقعت في عشق الرمادي من هالنوع <3

انصحكم تجربوها 

 

اسعارها بال٨٠ اتوقع وكل الكوريه بالحدود هاذي ~

لازم لازم تنتبهيلها و تزودي محلولها زي ماقلت لان لو تركتيها حتلاقيها ناشفه و خربت خلاص 

زبدة الكلام 

لو عيونك وسيعه حتكون بيرفكت معاك 

 ماحتديك نظرة بريئة او شي

 

لو عيونك عاديه حتديك النظرة البريئة 

مع اللوكات تبان احلى من لوحدها 

لو منتي حابه حجمها كبير اطلبي موديل سولوتيكا ماتكبر البؤبؤ و لونها روعهههههههههههه ماشالله 

المتجر تعاملهم احترافي و سريع و ذوووووق 

 و هاذي مو دعايه ولا اعلان ولا طلبو مني هالشي لكن جد من اروع المتاجر الي تعاملت معاها قمه بالاخلاق *قلوب* 

ان شالله اكون افدتكم و مانسيت شي 

اي استفسار انا حاضره :$

و شكرا :*

review : eva facial wash and makeup remover .. ريفيو غسول الوجه و مزيل المكياج

السلام عليكم 

 

البوست اليوم ريفيو منتج اشتريته و جربته 

و ماتوقعت احبه لهالدرجه 

خلصت العبوة في ٣ اسابيع تقريبا 

المنتج هو غسول للوجه و مزيل للمكياج ❤️❤️

من شركة eva 

مميزاته :

خالي من الصابون يعني ينفع للبشرة الحساسة 

النوع الي اخذته بالجلسرين فتحسيه يرطب الوجه شويه 

يزيل الميكب اليومي تمامااا حتى الماسكرا 

وما يحرق العين 

اما مكياج العيون و الاساس الثقيل خليه على وجهك و افركي باصابعك الاماكن الي ما يزيلها بسهوله و تنشال ❤️ و بعدها عالسريع بمزيل الميكب لو بقي شي 

رأيي انه منتج ممتاز يوميا خصوصا اني ارجع من الدوام كسلانه فيختصرلي الوقت اغسل وجهي فيه و يزيل الميكب 

اتوقع حيسير في مفضلاتي و ما حستغني عنه ❤️

لو جربتوه اكتبولي آرائكم ❤️

كل ما تحتاجين معرفته عن فرش المكياج : makeup brushes #سلسلة_المبتدئات #1 #beginners_series

السلام عليكم 

حبدأ معاكم سلسله للمبتدئات 

حتكون مجموعه من البوستات الاسبوعية الي حتفيدك ان شالله و تغيرك من مبتدئه الى انسانه فاهمه بالميكب 👏 

اول بوست الي هو بوست اليوم حأتكلم عن موضوع الفررش 

اول شي في شي مهم لازم تستوعبيه

مافي شي محدد بعالم الميكب 

مافي شي اسمو فرشه مخصصه لشي معين 

انتي و استعمالاتك 

مثال بسيط 

انا عندي فرشه الحواجب استعملها للكونسيلر 

و الشدو احيانا اثبت فيه الروج !! 

يعني مافي قاعده تمنعك من استعمال شي لشي ثاني دامه يخدمك و يؤدي الغرض 👌 

نبدأ بأنواع الفرش من حيث الشعر 

في فرش صناعيه 

و في طبيعيه 

و في مخلوطة 

الصناعيه حتديك افضل نتيجه مع المنتجات السايلة و الكريميه لانها ما تمتص 

لكن مو معناته ما نقدر نستعملها الا مع كذا !! 

الفرش الطبيعية افضل نتيجه حتديك اياها مع الباودر و اكيد نقدر نستعملها كمان للسايله 

المخلوطة تنفع للاثنين 

نجي لانواع الفرش من حيث الكثافه 

كل ما كثر شعر الفرشة و تماسكت اكثر كل ما ادتك تغطيه اكبر 

يعني الفرش الي شعرها قليل 

تديك طله ناعمه وتغطيه اخف 

نجي لاشكال الفررش 

فرش الوجه ؛ ~

فرش للاساس و هي متنوعه ~

اما بهالشكل المسطح ~

يوم استعملها احس اني الون وجهي و مره احب اوزع الاساس فيها 

في الي تجي كابوكي ~

وتجي بهالشكل 

شعيراتها كثاار و تغطيتها ثقيله  

وفي الي تجي براس محدد اكثر ~

 

هاذي للاماكن الي ماتوصلها الفرشه الكبيرة زي اطراف الانف و العيون 

و في الي تجي زي كذا ~

Buffing brush 

تغطيتها متوسطة و حلوة 

و اخيرا الاسفنج لتغطيه خفيفه وناعمه ~

الكونسيلر ~

فرش الكونسيلر اشكالها كثير 

الي لوضع الكونسيلر تكون مسطحه

و لدمجه تكون زي الكابوكي بس صغيررره 

او اسفنجه 

نجي لفرش الباودر ~

افضل شي تكون مو متماسكه عشان تتوزع الباودر بخفه و ما تحوس الاساس 

لها اشكال برضو 

فان برش 

بفينق برش 

باودر برش 

كابوكي 

البلاشر و الكونتور و الهايلايت ~

البلاشر تقريبا زي فرش الباودر الا انها اصغر حجم

الكونتور ~

تكون صغيرة و بوينتد 

الهايلات ~

يا زي الكونتور يا فان برش 

نجي لفرش العيووووووون ~

الفرشة المشطوفه 

استعمالاتها : 

رسم الحواجب 

تحديد الحواجب او الشفايف او الشدو  بالكونسيلر 

رسم الايلاينر

الفرشه المسطحه : 

لوضع الشادو 

او الكونسيلر 

او البيس 

و تنفع للقليتر كمان 

فرشه الدمج 

ممكن تستعمل بدون شادو لدمج الشادوهات 

وضع الهايلات عالانف او كونتور الانف 

فرشه البنسل 

لتحديد تحت العين 

او فوق العين زي لما نسوي كت كريس او بنانا 

لتمويه خط الايلاينر 

وانا استعمل للغرض هذا فرشه ريل تكنيك الي تجي مع مجموعه العين لانها عريضه 

فرشه الايلاينر 

للاي لاينر لووول 

وممكن كمان للارواج 

فرشة التفاصيل الصغيرة  :p 

تستعمل لوضع الهايلات في مدمع العين او اسفل الحاجب و اعلى الشفتين و الانف و تستعمل لوضع الكونسيلر على الاماكن الضيقه مثل اطراف الانف و على الحبوب 

و جميله لوضع الروج او تحديده بالكونسيلر 

فرشه اسفل العين 

لدمج و وضع الشادو على خط الرموش اسفل او اعلى العين 

نجي لتنظيف الفرررش

وهالشي لازم و مهم 

ليش 

لان البكتيريا تتجمع عاللفرش و الغبار و تراكم المنتجات 

كله حيرجع على بشرتك و تطلعلك حبوب 

طرق غسل الفرش كثير 

اول شي حاولي تنظفيها ببخاخ او سائل قبل الاستعمال زي تبع ماك او سيفورا 

و للغسيل انا استعمل شامبو اطفال و بلسم و في ناس تستعمل ديتول او لايف بوي صابون سائل للتعقيم 

و في غسول فرش من سينما سيكرت يمدحوه و حق ايلف ( كلها ما جربتها ) 

في قفاز سيقما و بدائله يسهلون عليك غسلها 

برضو ماجرربته 

تجفيف الفرش اهم شي انكسيها خلي راسها لتحت عشان الموية لا تدخل جوا عصا الفرشة و تطيح الشعر و تفكك الغرا 

طريقتي اجيب سله و احط جوتها منشفه و انكس الفرش بالشكل هذا لحد ما تنشف 

فرش الاي لاينر الكريمي تقسى علي فاحب قبل اغسلها انظفها بمزيل ميكب 

تخزين الفرش احب احطها بهالشكل 

اخرر شي بقوله 

اهم شي الفرشة تريحك 

مو مهم من وين و بكم 

اهم شي جودتها 

اكيد الغالي سعره فيه 

لكن اذا ميزانيتك محدودة او استعمالك قليل 

خذي من الماركات المتوسطه 

ريل تكنيك جودتها حلوة مره و سعرها حلو مره 

ايكوتولز احسها حلوة و سعرها حلو وان شالله قريب حجربها

ام دي ( ميكب ديزاين ) يمدحوها مرررره 

فرش سينسي حبيتها مره بديله لسيقما 

ايلف فرشهم حلوة و رخيييصه 

اتش اند ام فرشه الدمج و الحواجب حلوة عندي و رخيصه 

و عموما انا فرشي ريل تكنيك و ايلف و سنسي و اتش اند ام 

و مريحتني 

و هاذي بعض الصور الي حسيتها حلوة و مفيدة و كلامها مختصر 

من قوقل حبيب القلب :p 

اتمنى يكون الموضوع شااامل و اي سؤال انا حاضررة و بالخدمة ❤️