من زمان عن المدونة و ماعطيتها حقها و من اليوم و رايح رح تنزل تدوينات فيها اسبوعيا باذن الله
نجي لتدوينه اليوم و هي عن لصقات كريست لتبييض الاسنان
كثر الكلام حول اللصقات ذي و مدى فاعليتها و اضرارها و الخ
قررت اكتب تجربتي معها بعد مرور حوالي ٨ شهور على استخدامي لها تقريبا
اول شي انا حقتي طلبتها من امازون و سعرها حول ال ١٥٠ ريال مو متذكره غير طبعا تكاليف الشحن لاني طلبت اشياء معها
اول شي اللصقات تجي انواع
في للاسنان الحساسه و في العاديه
و قواتها تختلف
في الي تقعد خمس دقايق و في الي تقعد ساعتين
المهم انا قررت على اقوى نوع
الحمدلله اسناني موب حساسه لكن كانت صفرا جدا
نوع حقتي intensive professional
مدتها ساعتين
وجات جوتها ٧ لصقات بكل وحده ثنتين وحده للي فوق وحده للي تحت
طريقتها تفرشين بعدين تقعدين ربع ساعه عالاقل و تحطينها مو مباشره بعد الفرشه و المعجون هالنصيحه قالتها لي صديقتي وقالتي لو بعد الفرشه مباشرة ممكن تعورك 😁
تحطينها و عادي تشربين مويه فقط وانتي حاطتها
الطريقه سهله جدا ما تدوخ
و بس بعد ساعتين تشيلينها و تفرشين بدون معجون عشان بقايا الجل الي من اللصقه يروح عن اسنانك ❤️
خليها نفس الرقت بالضبط لو زدتي وقت بتعورررك 😩
طبعا زي ماقلت في ناس ماناسبهم هالنوع لانه قوي عالاسنان الحساسة بس انا ضبط معاي
من اول لصقه اسناني فرق لونها مو بياض لكن لمعه ونظافه 😻
ثاني استعمال اللون فتح
ثالث استعمال فتححح كثيرررر 😻
و رابع استعمال سار بياضها حلو و وقفتها
خبيت الباقي للمناسبات و حطيتها باوقات متفرقه لان ال٣ الاولى استعملتها يوم بعد يوم
و للحين اسناني لونها ابيض جميل مو زي ما بديت استعملها اكيد لكن فرق عن قبل استعمالها
و استعملت لصقه نوع ثاني الي هي advanced vivid مدتها نص ساعه
ما استعملت الا وحده قبل فتره و ادتني بياض خفيف ❤️
بالنسبه للي يقولو لها اضرار انا قريت و بحثت و سألت دكاتره و اتضح انها تقريبا احسن وسيله للتبييض من ناحيه السعر و الفائده و ان تبييض الليزر يزيل من طبقه المينا و يضر بالاسنان على المدى الطويل لكن اللصقات لا
اتمنى استفدتوا حبايبي و لا تنسوني من دعمكم و ارائكم 😘💖
أزال المؤلف هذا التعليق.
ردحذف